پێشمەرگە و سوپای عێراق ئۆپراسيۆنیان لە ناوچەکانی نێوانيان ئەنجامدا

SNN

وەزارەتی پێشمەرگە رايگەياند: “لەئۆپەراسیۆنێکی مەیدانیدا فەوجی دووی لیوایسێی پیادەی وەزارەتی پێشمەرگە، بۆ کێوماڵکردنی بەشێک لەناوچەکانی نێوان هێزی پێشمەرگەو سوپای عێراقی، ئۆپەراسیۆنێکی مەیدانیان ئەنجامدا”.

وەزارەتی پێشمەرگە لە راگەيەندراوێکدا بڵاويکردەوە: “لە ئۆپراسيۆنێکدا هێزەکانی پێشمەرگە بەشێک لەو ناوچانەیان پشکنیووە، کە گومانی هەبوونی تیرۆریستانی لێ دەکرێت، دوای کێوماڵکردنی ناوچەکە بەسەرکەوتووانە گەڕانەوە بارەگاکانی خۆیان”.

لەلايەکی ديکەوە، رايگەياندووە: “رۆژی 13ی ئەم مانگە بەشێکی تر لە هاوکاریەکانی هاوپەیمانان گەیشتە هێزەکانی پێشمەرگە کە پێک هاتووە لە ژمارەیەک تانکەرو ئۆتۆمبێل و کەرەستە و کەل و پەلی لۆجستی سەربازی”.