دانەغاز 87 ملیۆن دۆلاری لە حکومەتی هەرێم وەرگرت

SNN

کۆمپانیای دانەغازی ئیماراتی رایگەیاند: بڕی 87 ملیۆن دۆلاریان وەک شایستەی دارایی بۆ شەش مانگی سەرەتای ئەمساڵ لە حکومەتی هەرێم وەرگرتووە، قازامجەکانی کۆمپانیاکەش ئاشکرادەکات.

کۆمپانیاى دانە غاز لە پێگەی فەرمی خۆی بڵاویکردووەتەوە، لە شەش مانگى یەکەمى ساڵى رابردوو، بڕى قازانجى کۆمپانیاکە 47 ملیۆن دۆلار بووە, بەراورد بە ساڵی رابردووش بڕی قازانجی کۆمپانیاکە بە رێژەی ٥٤٪ زیادیکردووە.

 پاتریک وارد بەڕێوەبەری جێبەجێکاری کۆمپانیای دانەغاز رایگەیاندووە: “بەپێی پلانی کۆمپانیاکەمان تا دوو ساڵی دیکە، بەرهەمهێنانی گازی سروشتی رۆژانە بە بڕی 250 ملیۆن پێ سێجا زیاد دەکەن، واتا بڕەکەی لە 440 ملیۆن پێ سێجاوە بۆ 690 ملیۆن پێ سێجا زیاد دەکەن”.

ئەو کۆمپانیا ئیماراتییە لە ساڵی 2008ەوە گرێبەستی لەگەڵ حکومەتی هەرێم هەیە بۆ پەرەپێدان و دەرهێنانی گازی سروشتی هەرێم.