مەکتەبی راگەیاندنی یەکێتی قسەکانی شوان داودی ڕەتدەکاتەوە
SNN
مەکتەبی راگەیاندنی یەکێتیی نیشتمانیی کوردستان لە روونکردنەوەیەکدا قسەیەکی شوان داودی سەرپەرشتیاری پێشووی دەزگای میدیایی کەرکوک بە ناڕاست و چەواشەکاری وەسفدەکات کە وتبووی گوایە لە چەند رۆژی رابردوودا لە کارەکەی دوورخراوەتەوە و دەڵێت لە ساڵی رابردووەوە کەسێکی دیکە بەهۆی شیاوییەوە لەو پۆستەدا دانراوە.
لە روونکردنەوەکەدا هاتووە: “لەبەرئەوەی شوان داودی سەرپەرشتیاری دەزگای میدیایی کەرکوک کۆمەڵێک قسەی چەواشە و ناڕاستی لەسەر ئیجرائاتێکی کارگێڕی بڵاوکردووەتەوە، بە پێویستمان زانی روونکردنەوە بدەین کە لەدوای کۆنگرەی چوارەمەوە هەیکەلی مەکتەبی راگەیاندن بە دوو شێوە رێکخراوە، بەشێکیان بە هەڵبژاردنە و بەشێکیشیان کەناڵە مەرکەزییەکانن کە دوای پەسەندکردنی سیڤییەکانیان لەلایەن کارگێڕی مەکتەبی سیاسییەوە، بڕیاری دەستبەکاربوونی بۆ دەردەچێت، کۆمەڵێک پاڵێوراو سیڤییان بۆ دەزگای میدیایی کەرکوک پڕکردووەتەوە لەناویاندا بەڕێزان شوان داودی و عیماد ناسح هەبوون، عیماد ناسح سەبارەت بەو رابردووە دێرینەی لەناو راگەیاندنی یەکێتیدا هەیەتی، سیڤیەکەی پەسەندکرا.
دەشڵێت “بەداخەوە بەڕێز داودی بە چەواشەکارییەوە مەسەلەکە پەیوەست دەکات بە تەکلیفی مەڵبەندی کەرکوک و پاکتاوی و دەرکردنی حزبییەوە”.
دەقی روونکردنەوەکە:
