نەجەف.. تەقینەوە لە بنکەیەکی حەشدی شەعبی سێ برینداری لێکەوتەوە
SNN
لە نەجەف تەقینەوە لە بنکەیەکی هێزەکانی حەشدی شەعبی روویدا و بە هۆیەوە کۆگایەکی چەک و تەقەمەنی ئاگری گرت و سێ چەکداریش برینداربوون.
لەوبارەوە فەرماندەیی کەتیبەکانی ئیمام عەلی سەر بە لیوای دووی حەشدی شەعبی رایگەیاند: “دوانیوەڕۆی ئەمڕۆ تەقینەوە لە کۆگایەکی چەک و تەقەمەنی بنکەی دیوک لە رۆژئاوای نەجەف روویداوە، کە سەر بە هێزەکانیانە”.
راشیگەیاند، بە هۆی ئەو تەقینەوەیەوە سێ چەکداریان برینداربوون و لیژنەیەکی تایبەتمەند لێکۆڵینەوە لەو تەقینەوەیە دەکات.
فەرماندەییەکە پێشتر رایگەیاندبوو، تەقینەوەکە ئەنجامی هێرشی فڕۆکەی بێ فڕۆکەوان بووە، بەڵام دواتر لەو بانگەشەیەی پاشگەز بووەوە.
