رووپێوییەک بۆ دیاریکردنی رێژەی هەژاری و بێکاری لە هەرێم ئەنجامدەدرێت

SNN

دەستەی ئاماری هەرێم بە هاوکاری رێکخراوە نێودەوڵەتییەکان رووپێوییەک بۆ دیاریکردنی رێژەی بێکاری و هەژاری لە هەرێم دیاریدەکات.

سیروان محەمەد، سەرۆكی دەستەی ئاماری ھەرێمی كوردستان لە لێدوانێکی رۆژنامەوانیدا وتی: “دەستمان بە رووپێوێك كردووە بۆ دیاریكردنی رێژەی كار و بێكاری لە ھەرێمی كوردستان و رووپێوەكەش بە شێوەی مەیدانییە و لەناو خەڵك ئەنجام دەدرێت و تا سەرەتای مانگی داهاتوو کاری مەیدانی تەواو دەبێت، لە رێگەی ئەو رووپێوەوە بۆمان دەردەكەوێت، كە رێژەی كار و بێكاری لە ھەرێمی كوردستاندا چەندە”.

دیراسەکردنی رووپێویەکە پێدەچێت تا مانگی ئەیلول بەردەوام بێت، لە ھەر ناوچەیەك پێویستیان بە رێژەیەك خێزان ھەیە كە ناوەكانیان وەربگرن.

لەدوای تەواوبوونی رووپێویەکە ئەنجامەکەی رادەگەیەندرێت.