راگەيەندراوێک لە وەزارەتی گواستنەوە لەسەر لێدانی لۆگۆی تەکسی

SNN

وەزارەتی گواستنەوە و گەياندنی حکومەتی هەرێم لە راگەيەندراوێکدا بڵاويکردەوە: “بەهۆی ئەوەی رێژەيەکی زۆر تەکسی ماوە لەزگە لە ئۆتۆمبێلەکانيان بدەن، وەزارەتی گواستنەوە پێشنيازی درێژکردنەوەی ماوەی سێ مانگی کردووە بۆ لێدانی لەزگە و لەدوای ئەو وادەيە پێبژاردن بە سەرپێچيکاران دەکرێت”.

دەقی راگەيەندراوەکەی وەزارەتی گواستنەوە و گەیاندن:

لەسەر بنچینەی كۆنووسی نێوان هەردوو وەزارەت (وەزارەتی ناوخۆ و وەزارەتی گواستنەوە وگەیاندن)  لە بەرواری (16/3/2021)  و دوابەدوای نوسراوی ژمارە ( 2106)ی وەزارەتی گواستنەوە و گەیاندن لە رێككەوتی 29/7/2021 كە ئاراستەی وەزارەتی ناخۆ كراوە بۆ مەبەستی پێشنیاركردن لەبارەی درێژكرنەوە ماوەی لێدانی كارتی زانیاری و  لۆگۆ و لەزگەی تەكسی لە هەرێمی كوردستان.

بەهۆی ئەوەی لە ئێستادا رێژەیەكی زۆر تەكسی ماون لەو پڕۆژەیە سوودمەند بن و وەزارەتی گواستنەوە و گەیاندنیش لەبەر بەرژەوەندی گشتی پێشنیاری درێژكرنەوەی ماوەی سێ مانگی كردووە بۆ لێدانی لۆگۆ و لەزگەی تەكسی، واتا تا بەرواری 1/11/2021 بەردەوام دەبێت و دوای ئەو وادەیە داواكراوە لە وەزارەتی ناوخۆ لە رێگەی بەرێوەبەرایەتیەكانی هاتووچۆی پارێزگاكان دەستبكەن بە رێككارەكان و  لێپێچینەوە لەگەڵ شوفێری سەرپێچی كار ئەنجامبدرێت و بە پێ بژاردنی (500) هەزار دینار سزا بدرێن  و بۆ هەر مانگێك دواكەوتن (500) هەزار زیادبكرێت لە پێناو بە پیشەيکردنی کاری شوفێری تەکسی وپاراستنی بەرژەوەندی هاوولاتیان وشۆفیرانی تەکسی وجێبەجێکردنی یاسا ورێنماییەکان، بریار لە سەر ئەم پێشنیارانە دەدرێ لە دوای کۆبوونەوویەکی هاوبەشی هەردوو وەزارەت.