کەشناسی هەرێم: ئەمشەو ئەگەری باران بارين هەيە
بارانبارین له سلێمانى | فۆتۆ: SNN
SNN
کەشناسی هەرێم رايگەياند: “پێشبينى ده‌كرێت ئه‌م شه‌و ئاسمانى ناوچه‌كانى ڕۆژهه‌ڵات و ناوچه شاخاويه‌كان نيمچه هه‌ور بێت و ئاسمانى ناوه‌راستى هه‌رێم ساماڵ و په‌ڵه‌هه‌ور بێت، هه‌ندێ كات ده‌گۆڕێت بۆ نيمچه‌هه‌ور له گه‌ڵ بارينى نمه باران و بروسك و زياد بوونى خێرای با له‌دوای نيوه شه‌و به شێوه‌ی بچڕ بچڕ تا به‌يانى به تايبه‌ت له ناوچه شاخاويه‌كان “.
راشيگەياند: “پێشبينى بارانى مام ناوه‌ند هه‌وره تريشقه‌ى كورت خايه‌ن ده‌كرێت له هه‌ندێ ناوچه‌ى وه‌ك خانقين و ده‌وروبه‌رى”، دەشڵێت “به‌هۆي ناسه‌قامگيرى كه‌ش و هه‌وا ئه‌گه‌ر هه‌يه نمه باران و هه‌وره تريشقه له هه‌ر شوێنێك ده‌ستپێبكات”
هاوکات، کەشناسی هەرێم بڕي بارانى 12 كاتژمێرى ڕابردووى هه‌ندێك له ناوچه‌كانى هه‌رێمی راگەياند کە بەمجۆرەيە:
سلێمانی 0.2 ملم
چه‌مچه‌ماڵ دڵۆپ دڵۆپ
قه‌ڵادزێ 10.8 ملم
هه‌ڵشۆ 2.8 ملم
مه‌يدان 0.2 ملم
سيده‌كان 0.2 ملم
دهۆك دڵۆپ دڵۆپ
زاخۆ دڵۆپ دڵۆپ
كەركوك دڵۆپ دڵۆپ
