لوتکەی بەغدا بە بەشداری 10 وڵات ئەنجام دەدرێت

SNN

کۆتایی ئەم مانگە بەغدا میوانداری بەشێک لە وڵاتانی دراوسێ و وڵاتانی عەرەبی و ئەوروپی دەکات بۆ ئەنجامدانی لوتکەیەک کە سەبارەت بە پرسی توندوتۆڵکردنی سنوورەکانی عێراق و بەردانەوەی ئاو بەڕێوەدەچێت.

بەغدا ئەمڕۆ لە رێگەی وەزیری دەرەوەی عێراقەوە بە فەرمی داوای لە رەجەب تەیب ئەردۆغان سەرۆککۆماری تورکیا کرد بەشداری لوتکەکە بکات، له‌ ڕۆژانی داهاتوو وه‌زیری ده‌ره‌وه‌ی عێراق ده‌چێته‌ تاران و بانگهێشتنامه‌ ڕاده‌ستی ئیبراهیم ڕه‌ئیسی سه‌ركۆماری ئیسلامی ئێران ده‌كات و دواتر به‌رپرسێكی تری باڵای عێراق بانگهێشتنامه‌ به‌ فه‌رمی ده‌گه‌یه‌نێته‌ ڕیاز و ڕاده‌ستی محه‌مه‌د بن سه‌لمان شازاده‌ی جێنشینی سعوودیه‌ی ده‌كات.

جگە لە وڵاتانی دراوسێ ژمارەیەک وڵاتی عەرەبی و ئەوروپی و ئەمریکاش بانگهێشتی لوتکەکە کراون.

پرسی پاراستنی ئاسایشی سنوورەکانی عێراق و کێشەی کەمئاوی وڵاتەکە کە بەهۆی وشکەساڵی و کەمبەردانەوەی ئاو لەلایەن وڵاتانی دراوسێوە دروستبووە، لەو پرسە هەستیارانەن کە عێراق چەند جارێک لەگەڵ وڵاتانی دراوسێ گفتوگۆی کردووە.