سێ هاووڵاتى بە تۆمەتی هەڵکەندنی بيری ناياسايی دەستگیرکران
SNN
بەڕێوەبەرایەتی پۆلیسی دارستان و ژینگەی پارێزگای سلێمانی رايگەياند: “بە تۆمەتی هەڵکەندنی بيری ناياسايی سێ هاووڵاتی لە سنووری شارەزوور دەستگيرکراون، دەست بەسەر جەهازێکی بيرلێدانيشدا گيراوە”.
پۆلیسی دارستانی سلێمانی لە راگەيەندراویکدا بڵاويکردەوە: ” لە ئەنجامى دەرچوونى مەفرەزەکانى بەشى پۆلیسى دارستان و ژینگەى شارەزوور بۆ گەرەکى هەواران بە سەرپەرشتى (نقیب/ برهان حسن حمە فتاح ) توانیان سێ هاووڵاتى دەستگیربکەن کە سەرقاڵى بیرلێدان بوون بەشێوەیەکى نایاسایى”.
لە راگەيەندراوەکەدا ئاماژە بەوەشکردوە: “توانرا دەست بەسەر جیهازێکى بیرلێداندا بگیرێت”.
ئاماژەبەوەشکراوە: “پەڕاوى لێکۆڵینەوە بۆ تۆمەتباران ڕێکخراو ڕادەستى دادوەر کراوە بۆ ڕێکارى یاسایى”.
