بایدن پیرۆزبای لە عێراق دەکات بەهۆی سەرکەوتووی لوتکەی بەغدا

SNN

ئەمڕۆ یەکشەممە، جۆو بایدن سەرۆکی ویلایەتە یەکگرتووەکانی ئەمریکا رایگەیاند: کە ئەمریکا هەردەم پاڵپشتی عێراق دەبێت، گرنگیش بە گەشەی زیاتری پەیوەندی هەردوولا دەدات.

بایدن وتیشی” پیرۆزبای لە بەغدای پایتەخت و عێراق دەکەم کە لوتکەی بەغدای گرتە خۆی، ئاواتەخوازین ئەو گرژیەی کە لە نێوان ئەو وڵاتانەدا هەیە نەمێنێت، پاڵپشتی زیاتری عێڕاق و سەربەخۆییەکەی دەکەین، لەگەڵ سەقامگیری زیاتر لە رۆژهەڵاتی ناوەڕاست، پەرەپێدانی پەیوەندییەکانیشیمان لەسەر چوارچێوەی رێکەوتنی ستراتیجی دەبێت.”

دوێنێ شەممە، بەغدای پایتەختی عێراق میوانداری “لوتکەی بەغدا بۆ هاوکاری و پێکەوەی” کرد کە تێیدا بە بەشداری بەشێک لە وڵاتانی عەرەبی و هاوکات ئێران و فەرەنسا بەرێوەچوو.