شارەوانی سلێمانی لەبارەی رێگریکردن لە دروستکردنی مزگەوتێک روونکردنەوە دەدات
سە‌رۆكایە‌تیی شارەوانیی سلێمانی لە روونکردنەوەیەکدا باس لەوەدەکات کە رێگرییان لە دروستکردنی مزگەوتێک کردووە لەناو گوندی ئەڵمانی بەهۆی ئەوەی هیچ مەرجێکی سەلامەتی تێدا نەبووە و داوای مۆڵەتیشیان لە بەڕێوەبەرایەتی ئەوقاف نەکردووە.
ئەمڕۆ هەینی سەرۆکایەتیی شارەوانیی سلێمانی راگەیەندراوێکی بڵاوکردەوە و ئاماژەی بەوەکرد: “بەشی لابردنی سە‌رپێچی و زیادە‌ڕۆیی شارەوانیی سلێمانی لە‌پێناو پیرۆزی مزگە‌وت و سەلامەتی ھە‌موو ئە‌و كە‌سانە‌ی فە‌رزی نوێژ جێبە‌جێدە‌كە‌ن، بە هاوکاری لیوای یەکی تایبەت رێگرییان كرد لە دروستكردنی مزگە‌وتیك لەناو گوندی ئەڵمانی كە ھیچ رێنماییە‌كی سەلامەتی تیدا نییە و لەسەر (خە‌زانی ئاو ) دروستكراوە”.
ئەوەشی خستووتەڕوو “هەروەها ھیچ مۆڵە‌ت و رێنماییەکی لە بەڕێوەبەرایەتی ئە‌وقافی سلێمانی وە‌رنە‌گرتووە و بە‌پێی پلانی ناو پرۆژە‌كە كاری نە‌كردووە “.
باسی لەوەشکردووە “بەشی لابردنی سە‌رپێچی و زیادە‌ڕە‌ۆیی داوا لە خاوە‌نی پرۆژە‌ی گوندی ئەڵمانی دە‌كات كە پابە‌ندی رێنماییە‌كان بن و رە‌چاوی سەلامەتی ھاوڵاتییان بن، تا بتوانین ھاوكارتان بین لە‌و كارە‌خێرخوازییە‌دا”.
