بافڵ تاڵەبانی پيرۆزبايی دامەزراندنی کەناڵی گەلی کوردستان دەکات

SNN

بافڵ تاڵەبانی هاوسەرۆکی يەکێتیی نيشتمانیی کوردستان لە راگەيەندراوێکدا پيرۆزبای يادی دامەزراندنی تەلەفيزيۆنی گەلی کوردستانی کرد و رايگەياند: “بەبۆنەی ساڵیادی دامەزراندی تەلەفزیۆنی گەلی کوردستان وەک یەکەمین کەناڵی بینراوی کوردیی دوای راپەڕین، پیرۆزباییەكی گەرمتان لێدەكەم و هیوای سەركەوتن و بەردەوامیتان بۆ دەخوازم”.

‎راشيگەياند: “یەكەمین پەخشی تەلەفزیۆنی گەلی كوردستان كە بە وتارە مێژوویی و كاریگەرەكەی سەرۆك مام جەلال دەستیپێكرد، دەستپێكی قۆناغێكی نوێ و گرنگ بوو لە میدیای كوردی و دەستپێشخەرییەكی تری یەكێتی بوو بۆ كۆمەڵانی خەڵكی كوردستان كە تامەزرۆی دەنگ و رەنگی رەسەنی كوردی بوون”.

بافڵ تاڵەبانی دەشڵێت “گەلی كوردستان وەك كەناڵی دایك وێستگەیەكی گرنگ بوو بۆ پێگەیاندنی دەیان رۆژنامەنووسی لێهاتوو و بەتوانا و رۆڵێكی گرنگی هەبوو لەبەرەوپێشچوونی رەوتی رۆژنامەوانی و خزمەتكردنی خەڵكی خۆشەویستی كوردستان”.

‎لە کۆتايشدا ئاماژەی بەوەکردووە: “هیوادارم ساڵی نوێی كاركردنتان، ساڵی نوێبوونەوە و بەرەوپێشچوونی زیاتربێت تاوەكو لەپاڵ ئەركە پیشەییەكەتاندا رۆڵێكی گرنگتر بگێڕن لە گەیاندنی داواكارییەكانی خەڵك و ببنە پردێك لە نێوان هاووڵاتییان و دەسەڵات. بۆ ئەمەش پشتیوان و هاوكارتان دەبین”.