دوو چالاکوانی بادینان دادگایی دەکرێن
بەدەل بەرواری و ئومیدی حاجی بەرۆشکی
SNN
ئەمڕۆ دادگایی ئومێد بەڕۆشکی و بەدەل بەرواری زیندانیکراوانی بادینان لە دادگای هەولێر بەڕێوەبچێت.
ئەو دوو چالاکوانە بە تۆمەتی “سیخوڕیکردن” و “ئەنجامدانی کاری تێکدەرانە” دەستگیرکراون، هاوکات ئەو تۆمەتانە رەتدەکەنەوە.
پێشتر چەند جارێک دادگایکردنی ئەو چالاکوانانە دواخراوە و دوایین جار بە پاساوی “گواستنەوەی دادوەر و غیاب بوونی دادوەر” دواخرا.
هاوکات کەسوکاری دەستگیرکراوانی بادینان لەھەولێر رایانگەیاندووە، دەیانەوێت لە رۆژی دادگایکردنەکەدا رێکخراوەکانی مافی مرۆڤ و فراکسیۆنەکانی پەرلەمان ئامادەی دانیشتنەکە بن و بەچاوی خۆیان ئەو تۆمەتانە ببینن کە دادگا روبەڕووی کەسوکاریان دەکاتەوە.
