شاندێکی یەکێتی لە چەند رۆژی داهاتوودا سەردانی لایەنەکان دەکات

SNN

لە چەند ڕۆژی داھاتوودا وەفدێکی یەکێتی نیشتمانی کوردستان سەردانی لایەنە سیاسیەکانی ھەرێمی کوردستان دەکات، وتەبێژی یەکێتیش دەڵێت، ئامانجی سەردانەکە بۆ گفتوگۆکردنە لە بارەی بەدیھێنانی یەکریزی و یەکدەنگی کورد بۆ پێکھێنانی حکومەتی نوێی عێراق و داکۆکی کردن لە ماف و داخوازییەکانی کورد لە بەغداد.

ئەمین بابەشێخ وتەبێژی یەکێتی لە لێدوانێکی میدیایدا ڕاگەیاند: “بڕیارە لە چەند ڕۆژی داھاتوو وەفدی یەکێتی سەردانی لایەنە سیاسیەکانی ھەرێمی کوردستان بکات و ئامانجی سەردانەکەش بۆ دروستکردنی کۆدەنگییە لە نێوان لایەنە سیاسیەکانی ھەرێم بۆ ئەوەی پێکەوە بە یەکدەنگی و یەکڕیزی بچنە بەغداد و پێکەوە شەڕی بەدەستھێنانی ماف و داخوازییەکانی کورد بکەن.”