جموجوڵی بازرگانی لە مەرزی پەروێزخان دەستیپێکردەوە

SNN

لەمڕۆوە سه‌رله‌نوێ جموجوڵی بازرگانی له مه‌رزى پەروێزخانەوە ده‌ستی پێكرده‌وه.

ئەمڕۆ سێشەممە، کۆمەڵگاى دەروازەى نێودەوڵەتى پەروێزخان راگەیەندراوێکى بڵاوکردەوە و تیایدا ئاگادارى بازرگانان لە ئێران و هەرێمى کوردستان کردووە کە لەپاش مانگرتنى شۆفێرانى عێراق لە مەرزى پەروێزخان و وەستانى یەک هەفتەیى هەناردەکردن بۆ عێراق و هەرێمى کوردستان، ئەمڕۆ لەم سنورەوە سەرلەنوێ چالاکى بازرگانى و رەوتى هەناردەکردن دەستپێدەکاتەوە.

ئاماژە بەوەشکراوە: “له‌ دوای به‌دواداچوون و گفتوگۆی به‌رده‌وامی سه‌ركونسوڵگه‌ری كۆماری ئیسلامی ئێران له‌ سلێمانی له‌ ناویاندا سه‌ردانی رۆژی یه‌كشه‌مه‌ به‌رواری ٣١ی تشرینی یه‌كه‌می به‌ڕێز مه‌هدی شوشته‌ری، سه‌ركونسوڵی كۆماری ئیسلامی ئێران، بۆ ناوچه‌ی گه‌رمیان (شاری كه‌لار) و سه‌ردانی مه‌رزی په‌روێزخان و ئه‌و دیدارانه‌ی كه‌ له‌گه‌ڵ سه‌رپه‌ر‌شتیاری ئیداره‌ی گه‌رمیان و به‌رپرسانی دیكه‌ی مه‌رزی هه‌رێمی كوردستان ئه‌نجام درا، سه‌رله‌نوێ چالاكی بازرگانی و ره‌وتی هه‌نارده‌كردن له‌م مه‌رزه‌دا له‌ مرۆوە سێشه‌ممه ده‌ستی پێكرده‌وه‌.