مەکتەبی سیاسی یەکێتی: پرۆسەی چاکسازی حزبی و رێکخراوەیی بەردەوام دەبێت

SNN

مەکتەبی سیاسی یەکێتی بە سەرۆکایەتی بافڵ جەلال تاڵەبانی کۆبوەوە و ئۆرگان و مەکتەبەکانی راسپارد لەبەر رۆشنایی دوا بڕیارە دروست و پەیڕەوییەکانی یەکێتیدا سەرجەم کادر و ئەندامان جۆشبدەنەوە و بۆ قۆناغی داهاتوو.

ئێوارەی رۆژی پێنج شەممە (4/11/2021) مەکتەبی سیاسی یەکێتیی نیشتمانیی کوردستان بە سەرۆکایەتی ھەڤاڵ بافڵ جەلال تاڵەبانی لە دەباشان کۆبووەوە و تاووتوێی دۆخی سیاسی ھەرێمی کوردستان و عێراق و دواپێشھاتەکان کرا.

وەک لە راگەیەنراوی مەکتەبی سیاسی یەکێتیدا هاتووە: “کۆبوونەوەکە ھەڵسەنگاندنی بۆ پرۆسەی سیاسیی عێراقی دوای ھەڵبژاردنی ئەنجومەنی نوێنەران کرد و لیژنەیەکی تایبەتی ڕاسپارد بۆ ئامادەکردنی ڕوانین و پڕۆژەی یەکێتی بۆ ئیستیحقاقەکانی دوای پەسەندکردنی ئەنجامەکانی ھەڵبژاردن و بەشداری کورد  بە یەکڕیزییەوە لە بەدەستھێنانی مافەکانی گەلی  کوردستان و دیاریکردنی ئەولەویاتەکانی ئەو دۆسیەیە”.

ئەوەشخراوەتەڕوو: “کۆبوونەوەی مەکتەبی سیاسی وێرای تەئکیدکردنەوە لەسەر بەردەوامی پرۆسەی چاکسازی حزبی و رێکخراوەیی، ئۆرگان و مەکتەبەکانی راسپارد لەبەر رۆشنایی دوا بڕیارە دروست و پەیڕەوییەکانی یەکێتیدا سەرجەم ھەڤاڵان جۆشبدەنەوە و بۆ قۆناغی  لەمەودوای یەکێتییانە سازیان بدەن”.