ئەنجامی لێکۆڵینەوە سەرەتاییەکانی هەوڵی تیرۆرکردنی کازمی ئاشکرادەکرێت

SNN

سەرچاوەیەکی ئەمنی ئەنجامی لێکۆڵینەوە سەرەتاییەکانی هێرشەکەی درەنگانی شەوی رابردووی ماڵی مستەفا کازمی ئاشکرا دەکات و چەند زانیارییەکی مەترسیدا ئاشکرا دەکرێت.

میدیا عێراقییەکان، چەند زانیارییەکی سەرەتای لە لێکۆڵینەوەکە ئاشکرا دەکەن و ئاماژە بەوە دەکەن، ئەو مووشەکانەی لەرێگەی درۆنەوە کەوتوونەتە ماڵی مستەفا کازمی هەمان ئەو مووشەکانەیە کە باڵیۆزخانەی ئەمریکا لە ناوچەی سەوز و کاروانی ئۆتۆمبێلی هاوپەیمانانی پێدەکرێتە ئامانج، ئەمەش هەنگاوێک لێکۆڵەران لەوە نزیک دەکاتەوە کە ئەم هێرشە لەلایەن گروپە چەکدارەکانی عێراق کە هاوسۆزن بۆ ئێران ئەنجامدراوە.

ئەو سەرچاوەیە دەشڵێت: “فڕۆکەکە لە ناوچەی کەریحاتەی باکووری بەغدا و بە تایبەتی لە ناوچە گەشتیارییەکانەوە دەستیکردووە بە فڕین، تیرۆرستان زانیویانە کە کازمی لە نێو ماڵەکەیدا ناتوانن بکەنە ئامانج بۆیە لە رێگەی سێ درۆنەوە کارەکەیان ئەمجام داوە، بە جۆرێک کە دوانیشیان سەر نەگرێت دانەیەکیان بتوانێت تیرۆری بکات، واتا ویستوویانە یەکەم و دووەم بتەقێتەوە کە کازمی لە ماڵەکەی هاتە دەرەوە سێیەم دانە خۆی پێدا بتەقێنێتەوە و تیرۆری بکات.

ئەو سەرچاوە ئەمنییە ئاماژەی بەوەشکرد: تا ئێستا نەیانتوانیوە ئەنجامدەری هێرشەکە ئاشکرابکەن، بەڵام بەهۆی بوونی چەند سەرە داوێکی گرنگەوە رەنگە لە رۆژانی داهاتوودا بگەنە ئەنجامێک و چەند کەسێک دەستگیربکەن.