وردەکاری چارەسەرکردنی مەلا بەختيار لە ئەڵمانيا
SNN
مەلا بەختيار لە بارەی وردەکاری چارەسەرکردنی لە ئەڵمانيا رايگەياند: “36 بتڵ ئاويان تێکردووم بۆ تەعقيمکردنی لەشم و ئەو پرۆسەيە هەر دوو ڕۆژ جارێک ئەنجامدەدرا”.
ئەمڕۆ يەکشەممە، مەلا بەختیار ئەندامی ئەنجومەنی باڵای سیاسی و بەرژەوەندییەكانی یەكێتی لە کۆنگرەيەکی رۆژنامەوانيدا وردەکاری ژەهراويکردنی لە ناو يەکێتييەوە خستەڕوو، هاوکات باسی لە پڕۆسەی چارەسەرکردنی کرد لە ئەڵمانيا.
مەلا بەختيار ئاماژەی بەوە کرد: “لە ڕێگەی خواردنەوە ژەهرخوارد کراوم، ئەو ژەهرەی پێمدراوە لە ناو پلازمای خوێنمدا بووە کاريگەرييەکەی وەها بووە کە پاش ماوەيەک توشی جەڵدەم بکات، بەڵام پزيشکەکان هەموو پلازمای لەشميان دەرهیناوە و دووبارە پلازمای نوێيان تیکردوومەتەوە”.
دەشڵێت “لەو ماوەی کە چارەسەرم وەرگرتووە 36 بتڵ ئاويان تێکردووم بۆ تەعقيمکردنی لەشم و ئەو پرۆسەيە هەر دوو ڕۆژ جارێک ئەنجامدەدرا”.
وتيشی “ژەهرخواردکردنەکەم بە دوو سێ مانگ پێش رووداوەکانی هەشتی تەمووز بووە، لەلايەن کەسێکەوە زانياريم پێدراوە کە لە ناو دەزگای زانيارييەوە ژەهرخوارد کراوم”.
