لە کەمتر لە 24 کاتژمێردا دوو شەڕ لەسەر راگرتنی ئۆتۆمبێل لە ھەولێر بووە
هەولێر
SNN
لە ماوەی کەمتر لە 24 کاتژمێردا دوو ڕووداوی شەڕکردن لەسەر ڕاگرتنی ئۆتۆمبێل لە ھەولێر رووياندا و دوو کەس کوژراون و دوانی تریش بریندار بوون.
بەپێی زانيارييەکانی SNNئەمڕۆ ھەینی، لە بازاڕی نيشتمانی شاری هەولێر شەڕ لە نێوان خاوەنی گەراجێک و کاسبکارێک لەسەر ڕاگرتنی ئۆتۆمبێل ڕوویدا و بەھۆی تەقەکردنەوە دوو کەس برینداربوون، دوای ڕووداوەکەش پۆلیس لێکۆلینەوەی لە رووداوەکە دەستێپێکرد.
شەوی ڕابردووش لە شەقامی 100مەتری نزیک فڕۆکەخانە، دوو کەس لەسەر پارککردنی ئۆتۆمبێل لە گەراجی چێشتخانەیەک بوو بە شەڕیان و دوای بریندارکردنی یەکتر بە سەختی، ھەردووکیان گیانیان لە دەستدا.
