کاروانی دووەمی کۆچبەرانی بێلاڕوسیا دەگەڕێندرێنەوە

SNN

75 كۆچبەری دیكە لە بێلاڕوسیا لەدوای نائومێدبوونیان بە گەیشتن بە خاکی ئەوروپا، بەمەبەستی گەڕانەوەیان ئارەزوومەندانە ناوی خۆیان تۆمار كردووە.

ئەحمەد سەحاف وتەبێژی وەزارەتی دەرەوەی عێراق لە چاوپێكەوتنێكدا لەگەڵ ئاژانسی دەنگوباسی عێراق ئەمڕۆ هەینی ڕایگەیاند، دوای گەڕانەوەی كاروانی یەكەمی كۆچبەران لە شەوی ڕابردوو، ئەمڕۆ هەینی 75 كۆچبەری دیكە ئەوانەی لە سنوورەكانی بیلاڕووس گیریان خواردووە، ناوی خۆیان تۆمار كردووە بۆ ئەوەی بگەڕێنەوە عێراق و ھەرێمی كوردستان.

وتیشی”وەك وەزارەت بەردەوام دەبین لە هاوكاریكردنی هاووڵاتییان و تۆماركردنی ناوەكانیان بە مەبەستی گەڕانەوە بۆ وڵات و وەزارەتیش لە گەشتە ئاسمانییەكان ناوەستێت و بەردەوام دەبێت تا تەواوی كۆچبەران بە ئارەزوومەندانە دەگەڕێنێتەوە عێراق”.

شەوی ڕابردوو یەكەم كاروانی كۆچبەران كە 431 كۆچبەری لەخۆ دەگرت، بە فڕۆكەیەكی تایبەت گەیشتنە فڕۆكەخانەی نێودەوڵەتی هەولێر.