کەشناسی هەرێم: سبەی باران و بەفر دەبارێت
بارانبارین له سلێمانى | فۆتۆ: SNN
SNN
بەڕێوەبەرایەتی کەشناسی و بومەلەرزەزانی هەرێم پێشبینی دەکات سبەی لە کاتەکانی بەیانیەوە باران بارین دەستپێبکاتەوە.
بەڕێوەبەرایەتیەکە رایگەیاندووە: پێشبينى ده‌كرێ سبه‌ى ڕۆژى شه‌ممه له كاته‌كانى به‌يانيه‌وه ئاسمانى ڕۆژئاوا و باكوري هه‌رێم بگۆڕێت بۆ هه‌ورى ته‌واو له گه‌ڵ ده‌ست پێكردنى نمه باران له‌و ناوچانه پاشان ئاسمانى هه‌رێم به‌ته‌واوى ده‌گۆڕێت بۆ هه‌ورى ته‌واو له گه‌ڵ بارينى كه‌مێك به‌فر له ناوچه شاخاويه‌كانى باكور و بارينى كه‌مێك به‌فر له حاجى ئۆمه‌ران.
وتیشی: هه‌روه‌ها له دواي نيوه‌ڕۆ وه پێشبينى ده‌كرێ باران له‌ناو سه‌نته‌رى شارى دهوك ببارێ وه له‌كاته‌كانى ئێواره‌و شه‌ودا كه‌مێك نمه باران له‌هه‌ندێك له ناوچه‌كانى گه‌رميان سلێمانى و هه‌ولێر ببارێ.
