وەزارەتی پێشمەرگە راگەیەنراوێكی لە بارەی وتەكانی خلووسی ئاكار بڵاوكردەوە
وەزارەتی پێشمەرگە
SNN
وەزارەتی پێشمەرگەی حكوومەتی هەرێمی كوردستان راگەيەندراوێکی لەبارەی وتەکانی وەزيری بەرگری تورکيا بڵاوکردەوە و رايگەياند: وتەكانی خلووسی ئاكار وەزیری بەرگریی توركیا لە بارەی نكوڵیكردنی لە كوردستان جێگەی سەرسوڕمانە .
وەزارەتی پێشمەرگەی حكوومەتی هەرێمی كوردستان لە راگەيەندراوێکدا بڵاويکردەوە:وتەكانی خلووسی ئاكار وەزیری بەرگریی توركیا لەمەڕ ئینكاركردنی كوردستان جێگەی سەرسوڕمانە، بۆ ئێمە جێگەی پرسیارە كەسێك لە پێگەیەكی فەرمیی دەوڵەتدا ڕێگە بە خۆی بدات ئینكاری واقیعێكی مێژوویی و دیموگرافی و جیوگرافی بكات كە لە ڕاستیدا خۆشی قەناعەتی پێی نییە.
ئاماژەی بەوەشکراوە: ئەو بەڕێزە خۆشی سەردانی هەرێمی كوردستانی كردووە و، پێمان ناڵێ ئەو شوێنەی سەردانی كردووە كوێیە و ناوی چییە؟
جەختیش لەوەدەكەنەوە: ئەگەر ئەم بەڕێزە لە بوونی جیۆگرافیای كوردستان هەر گومانی هەیە با ئاوڕێك لە بەڵگەنامە و مێژووی عوسمانییەكان بداتەوە ئینجا بۆی دەردەكەوێ كوردستان هەیە یان نییە. عەقلیەتی نکوڵیکردنی میللەتێك و جیۆگرافیاكەی هەمیشە سەرچاوەی كێشە و گیروگرفت بووە و بە هیچ ئەنجامێك ناگات.
