بۆ چەند پرسێكی گرنگ مەكتەبی سیاسی یەكێتی کۆبووەوە

SNN-عەلی حەمە سەعید

بەمەبەستی گفتوگۆكردن لەسەر چەند پرسێكی ناوخۆیی بە سەرپەرشتی بافڵ جەلال تاڵەبانی و ئامادەبوونی  سەرۆككۆماری عێراق لە كۆبوونەوەدان و لە كۆبوونەوەكەشدا باس لە پرسی داوكاری خوێندكارانی زانكۆ و پەیمانگاكان و هەروەها پاراستنی دۆخی ئەمنی شارەكان دەکرێت.

بە گوێرەی ئەو زانیارییانەی كە لە مەكتەبی سیاسی یەكێتی دەست SNNكەوتوون ئەوەخراوەتەڕوو، مەكتەبی سیاسی یەكێتی بە سەرپەرشتی بافل جەلال تاڵەبانی و بە ئامادە بوونی بەرهەم ئەحمەد ساڵح سەرۆككۆماری عێراق لە كۆبوونەوەدان.

ئاماژەی بەوەشكرد، لە كۆبوونەوەكەدا چەند تەوەرێكی ناوخۆیی و هەروەها پرسی داواكاری خوێندكارانی زانكۆ و پەیمانگاكان و هاوكات خۆپیشاندانی خوێندكاران دەخرێتەڕوو، لەگەڵ ئەوەشدا باس لە ڕەوشی ئەمنی و پاراستنی سەروماڵی هاووڵاتیان و دامەزراوە حكومییەكان دەكرێت كە چەند كەسێك بەناوی خۆپیشاندانەوە دەیانەوێت خۆیان بخزێننە ناو خۆپیشاندەرانەوە و كار بۆ جێبەجێكردنی مەرامی چەند كەس و لایەنێك دەكەن و دەیانەوێت ئارامی شارەكان تێكبدەن.