بافل جەلال تاڵەبانی خوێندكاران بەسەرمایەیەكی گرنگی وڵات دەزانێت بۆیە پەرۆشە بۆ چارەسەری گرفتەكانیان

SNN-عەلی حەمە سەعید

سەرۆكی زانكۆی هەڵەبجە ئاماژە بەوەدەكات ئێمە لە ئەنجومەنی زانكۆی هەڵەبجە دەستخۆشی تەواو لە (بافل جەلال تاڵەبانی) دەكەین بۆ ئەو پەرۆشییەی كە هەیەتی بۆ چارەسەر گرفتی خوێندكاران چونكە خوێندكاران بەسەرمایەیەكی گرنگی ئەم وڵاتە دەزانێت، بۆیە خوێندكارانیش تاڕادەیەكی باش لەوە تێگەیشتوون كە كەسێك هەیە لەخەمی چارەسەركردنی گرفتەكانیاندایە.

مهاباد كامیل، سەرۆكی زانكۆی هەڵەبجە بە SNNی ڕاگەیاند: ئەوەی بەدیدەكەین ئەوەیە كە لە ئێستادا خوێندكاران ئەو ئومێدەیان بۆ دروستبووە كە كەسێك هەیە لەخەمی چارەسەركردنی گرفتەكانیاندایە و لەگەڵ كۆدەبێتەوە و هەولی جدی دەدات بۆ چارەسەركردنی كێشەو گرفتەكانیان، بۆیە هویا دەخوازین كە حكومەت و سەرجەم هێزە سیاسییەكانیش لە خەمی چارەسەركردنی گرفتەكانی خوێندكاراندابن.

ئاماژەی بەوەشكرد، هەرچەندە ئەوە ئەركی حكومەت و دامەزراوە حكومییەكانە كە لەكێشەو گرفتەكانی خوێندكاران بكۆڵێتەوە، بەڵام پەرۆشی و خەمخۆی (بافڵ جەلال تاڵەبانی) جێگای ڕێزو دەستخۆشییە و زۆر گرنگە هێزو لایەنەسیاسییەكانی دیكەش بەهەمان شیوە بێنە سەرهێڵ و خۆیان بە خەمخۆری خوێندكاران بزانن چونكە خوێندكاران توێژێكی بەرفراوانی كۆمەڵگا پێكدهەێنن و سەرمایەی مەعریفی هەر وڵاتێكن.

سەرۆكی زانكۆی هەڵەبجە ئەوەشی خستەڕوو، پەرۆشی و خەمخۆری (بافل جەلال تاڵەبانی) بۆ چارەسەركردنی كێشەی خوێندكاران و كۆبوونەوە لەگەڵیاندا سەلمێنەری ئەوەیە كە ناوبراو خوێندكاران بە سەرمایەیەكی ئێجگار گرنگی ئەم وڵاتە دەزانێت، ئەمەش بەرپرسیارییەتی گرنگە و جێگای نرخاندنە.