پەرلەمانی کوردستان خۆپيشاندانی خوێندکاران تاوتوێدەکات

SNN

ئەمڕۆ پەرلەمانی کوردستان کۆدەبێتەوە و يەکێک لە تەوەرەکانی کۆبوونەوەکە تاوتوێکردنی خۆپيشاندانی خوێندکاران دەبێت.

بەپێی راگەيەندراوی پەرلەمانی کوردستان، ئەمڕۆ چوارشەممە کاتژمێر 11 پەرلەمانی کوردستان کۆدەبێتەوە و ئەم تەوەرانە تاوتوێدەکات:

یەكەم: دەنگدان لەسەر پڕۆژەیاسای (كۆمپانیا ئەمنییە تایبەتەكان لە هەرێمی كوردستان-عێراق)، به‌پێی حوكمی مادده‌كانی (٩٠، ٩١، ٩٣، ٩٦، ٩٧) له‌ په‌یڕه‌وی ناوخۆی په‌رله‌مانی كوردستان.

دووەم: خستنەڕووی بەدواداچوونی هەردوو لیژنەی (ناوخۆ و ئاسایش و ئەنجوومەنه‌ خۆجێیەكان) و لیژنەی (پەروەردە و خوێندنی باڵا و توێژینەوەی زانستی)، سەبارەت بە خۆپیشاندانی خوێندكاران.

سێیەم: خوێندنه‌وه‌ی دووه‌م بۆ پڕِۆژەیاسای (سەرپەرشتیكردنی پڕِۆژەكانی كشتوكاڵی لە هەرێمی كوردستان)، به‌پێی حوكمی مادده‌كانی (٨٧، ٨٨، ٨٩) له‌ په‌یڕه‌وی ناوخۆی په‌رله‌مانی كوردستان.