تەندروستیی جیھانی: ئەوروپا لە ناوەڕاستی پەتایەکی زۆر قورسدایە

SNN

وتەبێژی رێکخراوی تەندروسیتی جیھانی، رایگەیاند: لە 65%ی حاڵەتەکانی ڤایرۆسی کۆرۆنای نوێ لە ناوچەی ئەورووپا دەستنیشانکراون، ئەورووپا لە ناوەڕاستی پەتایەکی زۆر توند و قورسدایە، بەشێکی زۆریشی لە جۆری دەلتایە”.

مارگرێت ھاریس وتەبێژی رێکخراوی تەندروسیتی جیھانی لە کۆنگرەیەکی رۆژنامەوانیدا رايگەياند: تا ئێستا ئەورووپا لە ناوەندی پەتاکەدایە و لە سەدا 65ی حاڵەتەکانی توشبوون بە کۆرۆنا لە سەرتاسەری جیھاندا لە ئەورووپاوە سەرچاوەی گرتووە.

وتەبێژی رێکخراوی تەندروسیتی جیھانی وتیشی: “ئەورووپا لە ناوەڕاستی پەتایەکی زۆر توند و قورسدایە، بەشێکی زۆریشی لە جۆری دەلتایە (گۆڕاوی ڤایرۆسی کۆرۆنای نوێ)، لە مێژە وتوومانە رێکارەکانی تەندروستیی خەڵک و کۆمەڵایەتی بەھێز بکەن، کوتانەکانتان خێرا بکەن. چونکە گشت ئەو رێکارانە ھەم دەلتا ھەمیش ئۆمیکرۆن رادەگرێت”.