لیرەی تورکی نزیکە لە داڕمان و هەر دۆلارێک گەیشتە سەرو 14 لیرە

SNN

ئەمڕۆ دووشەممە، بەهای هەر دۆلارێکی ئەمریکی گەیشتە سەرو 14 لیرەی تورکی، واتا هەر 100 دۆلارێکی ئەمریکی بە 1404 لیرە مامەڵەی پێوەدەکرێت، لەکاتی ئێستاشدا لیرە بە تەواوی لە لێواری داڕماندایە و خەریکە دەگاتە ئەو ئاستەی هیچ بەهایەکی نەمێنیت.

ئەم دابەزینەی لیرەی دوای ئەوە دێت راپۆرتی هەفتانەو مانگانە و ساڵانی بانکی ناوەندی تورکیا دێت لە فرۆشت و خواست و خستنەروو لە تورکیادا، هەروەها لە راپۆرتەکەشدا ئاماژە بەوەکراوە کە رێژەی بەرهەمهێنان لە بوارە جیاوزەکان لە تورکیا %8.5 دابەزیوە، لەهەمان کاتدا دەوڵەمەند و خاوەن سەرمایەکانی تورکیا دەستیان کردووە بە کڕینی ئاڵتوون و دراوی قورس لە جێگەی دراوی تورکی چونکە هیچ متمانەنەکیان بە دراوی تورکی نەماوە، لەکاتی ئێستادا ئاڵتوونێکی زۆر لە بازاڕی تورکیا کڕاوە لەلایەن سەرمایەدارەکانەوە و دەبرێتە بانکەکانی دەرەوەی تورکیا، ئەمەش چەند بارە دیسان مەترسی لەناوچوونی دراوی لیرە زیاتر دەکات، چاودێرانی ئابووریی پێشبینی دەکەن پێش کۆتایی ئەمساڵ بەهای هەر 100 دۆلارێک بەرامبەربێت بە 1600 لیرە.