لە شەوی سەری ساڵ 45 کەس لە سلێمانی برینداربوون

SNN

بەگوێرەی ئامارێکی بەشی فریاکەوتنی سلێمانی، 45 کەس لە شەوی سەری ساڵدا لە سلێمانی بە رووداوی جۆراوجۆر برینداربوون.

سامان نادر، بەڕێوەبەری فریاکەوتنی سلێمانی رایگەیاند: 45 کەس بەهۆی رووداوه‌كانی شەڕەچه‌قۆ، کەوتنەخوارەوە، بورانەوە و ڕووداوی هاتووچۆوه‌ رەوانەی نەخۆشخانە کراون و چاره‌سه‌ریان بۆ كراوه‌، ئەمە جگە لەوەی له‌ رووداوه‌كانی شه‌وی رابردوودا 110 حاڵەت لە شوێنەکانی خۆیان چارەسەریان بۆکراوە.

لەلایەکی دیکەوە به‌گوێره‌ی به‌شی راگه‌یاندنی به‌ڕێوه‌به‌رایه‌تی ته‌ندروستی سلێمانی، له‌ (24) كاتژمێری رابردوو رووداو و سه‌ردانیكردنه‌كان له‌ به‌شی فریاكه‌وتنی نه‌خۆشاخانه‌ی شار به‌مشێوه‌یه‌ تۆماركراون:

255 هاووڵاتی سەردانی بەشی فریاکەوتنیان کردووە

160 هاووڵاتی له‌ نەخۆشخانە خه‌وێندراون و ماونه‌ته‌وه‌

6 حاڵەتی رووداوی هاتووچۆ تۆماركراوه‌

27 حاڵەتی کتوپڕ هه‌بووه‌

4 حاڵەتی بەربوونەوە

3 حاڵەتی برینداربوون به‌ چەقۆ

3 حاڵەتی کەوتن

3 حاڵەتی بەرکەوتنی فیشەك

22 حاڵەتی جیاجیا

1 حاڵەتی خنکان هه‌بووه‌