فەیاز: داوا لە حکومەت دەکەم وڵات لە هێزە بیانییەکان ئازادبکات

SNN 

سەرۆکی حەشدی  داوای لەحکومەت کرد ئەرکی خۆی جێبەجێبکات بۆ “ئازادکردنی عێراق لەهێزە دەرەکییەکان”.

فالح فەیاز، ئەمڕۆ شەممە لە وتارێکدا وتی: “کشانەوەی هێزە بیانیەکان بابەتێکی سۆزداری نییە، بەڵکو پاراستنی عێراق و سەروەریەکەیەتی”.

وتیشی: “بوونی هەر هێزێکی بیانی لەسەر خاکی عێراق نابێتە فاکتەرێکی بەسوود بۆ گەل” و داوای لەحکومەت کرد ئەرکی خۆی جێبەجێبکات بۆ “ئازادکردنی عێراق لەهێزە دەرەکییەکان”.
وتیشی: سەروەری و کەرامەتی مافێکی سەرەکی گەلی عێراقە کە هەموو پێکهاتەکانی سەروەری و سووربوونیان هەیە بۆ بنیاتنانی ئایندەی عێراق.

قسەکانی سەرۆکی حەشدی شەعبی هاوکاتە لەگەل کۆتایی هاتن بە وادەی کشانەوەی هێزە شەڕکەرەکانی ئەمریکا لە عێراق.