کازمی بەرپرسانی ئەمنی بابلی دورخستەوە

SNN

نوسينگەی سەرۆکوەزيرانی عێراق بڵاويکردەوە: فەرماندەی پۆلیسی بابل، بەڕێوەبەری ھەواڵگری بابل و بەڕێوەبەری ھەواڵگریی جەبلە لە ئەرکەکانیانن دورخراونەتەوە، ئەوەش بەهۆی کوژرانی 20 کەس لە ئۆپراسيۆنێکدا لە ناوەڕاستی ئەو شارە.

نوسينگەی مستەفا کازمی سەرۆکوەزيرانی عێراق بڵاويکردەوە:”ئەم تیمە بە مەبەستی دەستنیشانکردنی ئەو دۆخەی کە رێگای بۆ تاوانەکە خۆشکرد، فرەسەرچاوەیی زانیارییە ھەواڵگرییەکان، بەردەوامی لە وەرگرتنی ھەواڵی نادروست و مامەڵەکردن لەگەڵ ئەو ھەواڵانە بەبێ وردبینیی بابەتییانە زۆنی لێکۆلینەوەکە فراوان دەکەين. دەبێت سەرجەم ئەو کەسانە کە کەمتەرخەمییان کردووە ببردرێنە بەردەم دادگا و لە ماوەی یەک ھەفتەدا راپۆرتێک پێشکەشی فەرماندەی گشتیی ھێزە چەکدارەکان بکرێت”.

بەپێی بەیاننامەکە، بڕیاری دووەمی فەرماندەی ھێزە چەکدارەکان دوورخستنەوەی فەرماندەی پۆلیسی بابل، بەڕێوەبەری ھەواڵگری بابل و بەڕێوەبەری ھەواڵگریی جەبلەیە لە ئەرکەکانیان و دەستپێکردنی لێکۆلینەوەیە لەگەڵیان و راپێچکردنی ھەموو ئەو کەسانەی کە کەمتەرخەم بوون بۆ بەردەم دادگا.

لە بڕیاری سێیەمدا ھاتووە: لێکۆلینەوە لە بڵاوکردنەوەی زانیاری بەلارێدابردن و نادروست لەگەڵ سەرجەم ئەو کەسانەی کە بەرپرسن لە وەزارەتی ناوخۆ و شانەی راگەیاندنی ئەمنی و زانیاری ئەمنییان گواستووەتەوە و بڵاویانکردووە.

لە کۆتا بڕگەی بەیاننامەکەدا، راوێژکاری ئاسایشی نیشتمانی راسپێردراوە بە پێشکەشکردنی راپۆرتێکی کۆتایی بۆ فەرماندەی گشتیی ھێزە چەکدارەکان سەبارەت بە رێکخستنی کاری ئەمنی و ھەواڵگری لە سەرجەم وەزارەت و دامەزراوە ئەمنییەکان و دۆزینەوەی ئەو کەلێنانەی کە رێگە بۆ تێکەڵبوونی کاری ئەمنی و ھەواڵگری خۆشدەکات بە شێوەیەک کە بە تەواوەتی رێگری لەو جۆرە تاوانە بگرێت لە ئایندەدا.