تا ئێستا 200 کەس لە یانە شەوانەکانی هەولێر دەستگیرکراون

SNN

لە هەولێر هەڵمەتێک بۆ دەستگیرکردنی لەشفرۆش و داخستنی ئەو یانە شەوانانەی کە کاری نەشیاو و دوور لە دابونەریتی کۆمەڵایەتی تێدا ئەنجامدەدرێت دەستی پێکردووە و تا ئێستاش 200 کەس دەستگیرکراون

قایمقامیەتی هەولێر رایدەگەیەنێت: تا ئێستا نزیكەی 200 كەس دەستگیركراون و 11 شوێنیش داخراون، ئەوانەی كە دەستگیركراون لە بنكەكانی پۆلیس پەڕاویان بۆ دەكرێتەوە و ئەو شوێنانەشی كە داخراون بەپێی یاسا مامەڵەیان لەگەڵدا دەكرێت.

قایمقامی قەزای ناوەندی هەولێر لەو بارەیەوە بە دەنگی ئەمەریكای ڕاگەیاند ” ئەوەی كە ڕوویداوە هیچ پەیوەندیەكی بە كەرتی گەشتوگوزارەوە نییە زۆر كەس وا لێكدەداتەوە كە زیان بە گەشتوگوزار دەگەیەنێت، بە پێچەوانەوە ئەگەر ئەوە هەبێت زیان بە كەرتی گەشتوگوزار دەگات ئەمانە شوێنی ڕێگەپێدراو نەبوون و كاری نەشیاوی تێدا ئەنجامدراوە.”

وتیشی” سێكتەری گەشتوگوزار یەكێك لە سیكتەرە گرنگەكانە، كابینەی نوێی حكومەتی هەرێمی كوردستانیش گرنگیەكی تایبەتی پێ دەدات ئێمە هەردەم هەموو لایەنەكانی ئیداری لە هەولێر هەوڵ دەدەین كەوا زیاترین گەشتیار ڕابكێشین بۆ هەولێر و هەروەها پەرە بە شوێنە گەشتیاریەكان بدرێت و فراوان بكرێن.”