فڕۆکەخانەی سلێمانی: پێشبینی دەکەین سبەی گەشتەکان دەستپێبکەنەوە
SNN-عەلی حەمەسەعید
دوای ئەوەی بەهۆی شەپۆلی بەفربارین و هەروەها خراپی كەشوهەوا گەشتەكانی فرۆكەخانەی نیودەوڵەتی سلێمانی پەكیان كەوت، بەڕێوەبەری فرۆكەخانەكە ئاماژە بەوەدەكات تائێستا زیاد لە شەش گەشتی ناوفڕۆكەخانە دواكەوتوون و ئەنجام نەدراون بەڵام پێشبینی دەكەین كە لە سبەینێوە بتوانین دەستبكەینەوە بە ئەنجامدانی گەشتەكان ئەوەش دوای ئەوەی بارودۆخی كەشوهەوا ئاسایی دەبێتەوە.
تاهیر عەبدوڵا، بەڕێوەبەری فڕۆكەخانەی نێودەوڵەتی سلێمانی بە SNNی ڕاگەیاند: بەهۆی ئەو شەپۆلە بەفربارینەی كە ڕووی لەناوچەكە كردووە بووەتە هۆی ئەوەی كە تارادەیەكی زۆریش كاریگەری لەسەر گەشتی فڕۆكەكان دروست بكات و ئێمەش لە فڕۆكەخانەی نیودەوڵەتی سلێمانی بەهۆی بەردەوامی بەفربارین و دروستبوونی گرفت لە فڕگەی ناو فڕۆكەخانەكەوە نەمان توانی درێژە بەگەشتەكانمان بدەین و هاوكات گرفتی نیشتنەوەی فڕۆكەش دروستببێت.
ئاماژەی بەوەشكرد، بهۆی بەفربارینەوە زیاد لە شەش گەشتمان دواكەوتوون كە برین لە دوو گەشتی عەمرەكانی هەرێم بۆ سعودییە، گەتشێكی ڕاستەوخۆ بۆ فرانكفۆرتی ئەڵمانیا، گەشێكی عەمان و گەشتێكیش بۆ شاری بەغدا، هاوكات جگە لەوەی فڕۆكەكان ناتوانن بفڕن لەهەمان كاتیشدا فڕۆكەش توانای نیشتنەوەی نییە.
بەرێوەبەری فڕۆكەخانەی نێودەوڵەتی ساێمانی ئەوەشی خستەڕوو، پێشبینی دەكەین كە سبەی بارودخۆی كەشوهەوا ئاسایی ببێتەوە ئێمەش گەشتەكانی ناوفڕۆكەخانە دەستپیبكەینەوە ئەوەش دوای ئەوەی كە دڵنیابوویەوە لە ئاسایی بوونەوەی بارودۆخی كەشوهەوا.
