گەشتی ئاسمانی لە نێوان فڕۆکەخانەی سلێمانی و ھەولێر دەکرێتەوە

SNN

بەڕێوەبەری فڕۆکەخانەی نێودەوڵەتی سلێمانی رايگەياند: وەزيری گواستنەوەی هەرێم داوای لە هێڵی ئاسمانی عێراق کردووە، گەشتی نێوان فڕۆکەخانەی هەولێر و سلێمانی بکرێتەوە.

تاھیر عەبدوڵا بەرێوەبەری گشتی فڕۆکەخانەی نێودەوڵەتی سلێمانی لە لێدوانێکيدا راگەیاند: وەزیری گواستنەوەو گەیاندنی ھەرێم لە سەردانێکدا بۆ بەغداد، داوای لە بەرێوەبەری گشتی ھێڵی ئاسمانی عێراق کردووە، گەشتی ئاسمانی لە نێوان فڕۆکەخانەی سلێمانی و ھەولێر ئەنجامبدرێت، بەشێوەیەک لە خزمەتی ھاووڵاتیاندابێت و نرخەکانیش ھەرزان بێت.

وتیشی “ئەنجامدانی گەشتی ئاسمانی لە نێوان فڕۆکەخانەی سلێمانی و ھەولێر، بە رەزامەندی ھێڵی ئاسمانی عێراقی دەبێت، لە ئێستادا چاوەڕوان دەکەين بەغداد بڕیار لەسەر ئەو بابەتە بدات”.