نرخی نەوت 110 دۆلاری تێپەڕاند

SNN

 نرخی نەوت لە بازاڕەکانی جیهاندا زیاتر بەرزبووەوە و نرخی یەک بەرمیل نەوت 110 دۆلاری تێپەڕاند.

ئەمڕۆ چوارشەممە، نرخی یەک بەرمیل نەوتی خاوی برێنت 110 دۆلاری تێپەڕاند و بە رێژەی لە %5 بەرزبووەوە، نەوتی تێکساسیش بە 108.64 دۆلار مامەڵەی پێوەدەکرێت و بە رێژەی %4.88 بەرزبووەتەوە.

شيکردنەوە ئابوورييەکان بەو ئاڕاستەيەن کە هۆکاری سەرەکی بەرزبوونەوەی نرخی نەوت هێرشەکانی رووسیایە بۆ سەر ئۆکرانیا.

2/24ی ئەمساڵ رووسيا هێرشەکانی بۆسەر ئۆکرانيا دەستپێکرد، ئەوەش بووە هۆی ئەوەی بۆ يەکەمجار دوای حەوت ساڵ نرخی نەوتی برێنت 100 دۆلار تێبپەڕێنێت.