نورى مالكى و موقتهدا سهدر كۆدهبنهوه
موقتهدا سهدر، رێبهرى رهوتى سهدر له عێراق | فۆتۆ: AFP
SNN
سهركردهیهكى هاوپهیمانى دهوڵهتى یاسا رایدهگهیهنێت، دووسبهى نورى مالیكى و موقتهدا سهدر كۆدهبنهوه، دهشڵێت: “دهكرێت كۆبوونهوهكه عێراق بهرێته قۆناغێكى نوێ”.
شهوى پێنجشهممه موقتهدا سهدر، رێبهرى رهوتى سهدر له عێراق دهستپێشخهرییهكى نوێى راگهیاند و لهو چوارچێوهیهشدا پهیوهندى به نورى مالیكى، سهرۆكى هاوپهیمانى دهوڵهتى یاسا، محهمهد حهلبوسى، رێبهرى رهوتى سوننه، خهمیس خهنجهر، رێبهرى رهوتى سونه و مهسعود بارزانى، سهرۆكى پارتى دیموكراتى كوردستانهوه كرد و تاوتوێى دۆخى عێراق و پێكهێنانى حكومهتى كرد.
لهدواى پهیوهندییه تهلهفۆنییهكانى سهدر كرانهوه له دۆخى سیاسى عێراقدا بهدیدهكرێت، لهو بارهیهشهوه حهیدهر لامى، سهركرده له دهوڵهتى یاسا رایگهیاند: “بڕیاره رۆژى دووشهممه 14ى ئازار، ههریهكه له موقتهدا سهدر و نورى مالیكى كۆببنهوه”.
به وتهى سهركردهكهى دهوڵهتى یاسا ” دهستپێشخهرییهكهى موقتهدا سهدر بووهته هۆكارى كهمكردنهوهى جیاوازییهكان، هاوكات گفتوگۆكانى ئهو دوو لایهنه تهنیا لهسهر بابهتى پێكهێنانى گهورهترین كوتلهى هاوپهیمانى نهبووه، بهڵكو لهسهر یهكلایكردنهوهى پرسى سهرۆككۆمار و سهرۆكوهزیرانى عێراق بووه”.
شهوى رابردوو میدیاکانی عێراق لە زاری چەند سەرچاوەیەکەوە بڵاویانکردهوه، “دوای دەستپێشخەرییەکەی موقتەدا سەدر، رێبەری رەوتی سەدر، سەرکردەکانی چوارچێوەی هەماهەنگی کۆبوونەوە، چوارچێوەی هەماهەنگی رەزامەندی دەربڕیووە لەسەر کاندیدکردنی محەمەد جەعفەر محەمەد سەدر بۆ پۆستی سەرۆکوەزیران، لە کۆبوونەوەکەدا ناوی نوری مالیکی سەرۆکی هاوپەیمانی دەوڵەتی یاسا بۆ پۆستی جێگری سەرۆکوەزیران هاتووە”.
سەرچاوەکە بە میدیا عێراقییەکانی وتووە، “سەرکردەکانی چوارچێوەی هەماهەنگی داوای کۆبوونەوەیەکی رووبەڕوویان لەگەڵ سەدر کردووە، بۆ ئەو مەبەستەش سەدر لە 72 کاتژمێری داهاتوودا دەگاتە بەغدا”.
