عێراق هەوڵی چارەسەرکردنی کێشەی بە بيابانبوون دەدات

SNN

ئەمیندارێتی گشتی ئەنجومەنی وەزیرانی عێراق بەشداریكردنی ژمارەیەك لە شارەزایانی میسری بۆ چارەسەركردنی بە بیابانبوون لەعێراق رادەگەیەنێت و ئاماژەش بە بوونی پڕۆژەی ئایندەیی كەرتی کشتوکاڵی لەپارێزگای دیوانیە دەكات.

ئەمڕۆ سێشەممە، حەیدەر مەجید وتەبێژی ئەمیندارێتی ئەنجومەنی وەزیران بە ئاژانسی هەواڵی عێراقی راگەیاند: لیژنەیەک هەیە بۆ چارەسەرکردنی رێڕەوی ڕووباری فورات و كۆبونەوەی قوڕو لیتە و لم و بەبیابانبوون و دروستكردنی پشتێنەی سەوزایی بەسەرۆکایەتی ئەمینداری گشتی ئەنجومەنی وەزیران و ئەندامێتی نوێنەرانی وەزارەتەکانی کشتوکاڵ و سەرچاوەکانی ئاو.

دەشڵێت “جگە لە بەشداربوونی ژمارەیەک پسپۆڕ و ئەکادیمی و ڕاوێژکار و مامۆستای زانکۆ لەپارێزگاکانی دیوانیە و موسەننا و زەیقار، تا ئێستاش چوار کۆبوونەوە کراوە و تێیدا گفتوگۆکراوە لەبارەی میکانیزمی پەرەپێدانی دید و بۆچوونەکان بۆ چارەسەرکردنی كۆبوونەوەی خوێ لە حەوزی ڕووباری فورات و هەر سێ پارێزگاکە و هەروەها دیاردەی بە بیابانبوونی پارێزگاکانی موسەننا و زەیقار.

حەیدەر مەجید راشيگەياند: رۆژی یەكشەممەی رابردووش ئەمینداری گشتی ئەنجومەنی وەزیران لەگەڵ ژمارەیەک لەشارەزایانی میسری کۆبووەوە کە ڕۆڵیان هەبووە لەپڕۆسەی گۆڕینی بیابانەكانی میسر بۆ ناوچەی سەوزایی و گواستنەوەی ئەم ئەزموونەیان بۆ عێراق.
وتیشی: “ڕازیبوون کە بەشداری بكەن لەو پڕۆژە گرنگەدا لە گواستنەوەی ناوچە بە بیابانبووەكان بۆ ناوچەی سەوزایی کشتوکاڵی”.