“پاشهكهوتى مووچه قهرزه لهسهر حكومهت و دهبێت بیداتهوه”
دراوى 25 ههزار دینارى عێراق | فۆتۆ: SNN
SNN – عەلی حەمە سەعید
ئهندامێكى لیژنهى دارایی پهرلهمانى كوردستان رایدهگهیهنێت، پاشهكهوتى مووچه قهرزه لهسهر حكومهت و پێویسته بیداتهوه، دهشڵێت: “پاشهكهوتى مووچه به بڕیارى وهزیرى دارایی كراوهته قهرز لهسهر حكومهت”.
ههفتهى پێشوو جوتیار عادل، وتهبێژى حكومهتى ههرێمى كوردستان رایگهیاند، “پاشهكهوتى مووچه لاى حكومهتى بهغدایه و دانهوهى له ئهستۆى ئهوانه”.
لهو بارهیهوه بەڵێن ئیسماعیل، ئەندامی لیژنەی دارایی لە پەرلەمانی كوردستان بە SNNی راگەیاند، “لە یاسای چاكسازی و یاسا بەركارەكان ئەوە جێگیركراوە كە حكومەتی هەرێم پابەندە بە دانەوەی ئەو پاشەكەوتانەی لە مووچەی فەرمانبەران و مووچەخۆران كراوە، لەكاتێكدا لە كابینەكانی پێشتری حكومەتی هەرێم ئەو پاشكەوتەی مووچەی فەرمانبەران بە تەئمینات دانرابوو”.
وتیشى: “لەم كابینەیەی حكومەتی هەرێم و بە بڕیاری وەزارەتی دارایی و ئابووری حكومەتی هەرێم پاشهكەوتی مووچەی فەرمانبەران وەك قەرز لەسەر حكومەتی هەرێم هەژماركراوە”.
به وتهى بهڵێن ئیسماعیل، “ئەوە یەكلابووەتەوە ئەو پارەیەی لە مووچەی فەرمانبەران بە ناوی پاشكەوتەوە بڕدراوە مافێكی یاسایی خۆیانە و ئەركە لەسەر حكومەتی هەرێم بۆیان بگەڕێنێتەوە”.
