له ماڵى مام جه‌لال له به‌غدا كۆبوونه‌وه‌یه‌كى گرنگ به‌ڕێوه‌ده‌چێت
كۆبوونه‌وه‌ى بافڵ جه‌لال تاڵه‌بانى و موسه‌نا سامه‌رایی، سه‌رۆكى هاوپه‌یمانى عه‌زم | فۆتۆ: SNN
SNN
كه‌مێكى تر كۆبوونه‌وه‌یه‌كى گرنگ له ماڵى مام جه‌لال له به‌غدا به سه‌رۆكایه‌تى سه‌رۆكى یه‌كێتیى نیشتمانیى كوردستان به‌ڕێوه‌ده‌چێت.
به‌پێى زانیارییه‌كانى SNN، “پاش کەمێکیتر لەماڵی مام جه‌لال لە بەغدا بافڵ جەلال تاڵەبانی، سەرۆکی یەکێتیی نیشتمانیی کوردستان پێشوازی دەکات لە سەرکردەکانی چوارچێوەی هەماهەنگی، و موسەننا سامەڕائی سەرۆکی ھاوپەیمانی عەزم و رەیان كلدانی سەرۆکی بزووتنەوەی بابلیون و وابڕیارە کۆبوونەوەیەکی گرنگ بەڕێوەبچێت”.
SNN ئه‌وه‌شى زانیووه، “له كۆبوونه‌وه‌كه‌دا تاوتوێى دۆخى سیاسى عێراق و پێكهێنانى حكومه‌تى نوێى عێراق ده‌كرێت، ئه‌مه سه‌ره‌ڕاى خستنه‌ڕووى چاره‌سه‌ر و نزیكتركردنه‌وه‌ى لایه‌نه‌كان به‌مه‌به‌ستى رزگاركردنى دۆخى سیاسى عێراق له چه‌قبه‌ستوویی”.
ئه‌مڕۆ دووشه‌ممه بافڵ جه‌لال تاڵه‌بانى، سه‌رۆكى یه‌كێتیی نیشتمانیی كوردستان گه‌یشته به‌غدا و بڕیاره له میانى سه‌ردانه‌كه‌یدا زنجیره‌یه‌ك كۆبوونه‌وه له‌گه‌ڵ به‌رپرسانى سیاسى عێراق ئه‌نجام بدات.
