نرخى ئاژهڵى قوربانى 100 ههزار دینار بهرزبووهتهوه
SNN-عەلی حەمە سەعید
نرخى ئاژهڵى قوربانى بهشێوهیهكى بهرچاو بهرزبوونهوهى بهخۆیهوه بینیووه بهشێوهیهك بۆ ههر سهر حهیوانێك 100 ههزار دینار بهرزبووهتهوه.
بەگوێرەی ئەو داتا و زانیارییانەی كە لە وەزارەتی كشتوكاڵ و سەرچاوەكانی ئاو بە SNN دراون، “نرخی گۆشتی سوور و ئاژەڵی زیندوو بەراورد بە ساڵی رابردوو زیادیكردووە بە جۆرێك لە ساڵی 2021 نرخی یەك سەر مەڕ لەنێوان 200 بۆ 250 هەزار دینار و یەك سەر بزن لەنێوان 230 بۆ 270 هەزار دینار و یەك سەر مانگا یەك ملیۆن بۆ ملیۆنێك و 200 هەزار دینار و یەك سەر رەشەوڵاخ ملیۆنێك و 300 هەزار دینار بۆ سێ ملیۆن دینار بوو”.
ههر بهپێى زانیارییهكان، “نرخی ئاژەڵ لە مساڵدا بە مجۆرەیە: یەك سەر مەڕ لەنێوان 200 بۆ 300 هەزار دینار و یەك سەر بزن لەنێوان 250 بۆ 300 هەزار دینار و یەك سەر مانگا ملیۆنێك و 200 هەزار بۆ ملیۆنێك و 300 هەزار دینار و یەك سەر رەشەوڵاخ ملیۆنێك و 500 هەزار دینار بۆ سێ ملیۆن و 500 هەزار دیناردایە”.
ئامارەكانی وەزارەتی كشتوكاڵ و سەرچاوەكانی ئاو ئاماژه بهوهشدهكهن، “رێژەی 55%ی ئەو گۆشتەی لە بازاڕەكانی هەرێمی كوردستاندایە بەرهەمی ناوخۆیە و رێژەی 45%یش هاوردە دەكرێت، نرخی گۆشتیش بەراورد بە ساڵی 2021 نزیكەی هەزار دینار بۆ دوو هەزار دینار بۆ هەر كیلۆیەك زیاد بووە”.
هەر لە ئامارەكانی وەزارەتی كشتوكاڵ ئەوەشهاتووە، “لە پارێزگای سلێمانی لە ساڵی 2021 نرخی كیلۆیەك گۆشت 12 بۆ 14 هەزار دینار بووە، بەڵام ئەمساڵ 17 بۆ 18 هەزار دینارە، لە پارێزگای هەولێر لە ساڵی 2021 نرخی كیلۆیەك گۆشتی سوور لە 13 بۆ 15 هەزار دینار بوو، ئەمساڵ 17 هەزار دینارە، لە پارێزگای دهۆك لە ساڵی 2021 نرخی كیلۆیەك گۆشتی سوور لە 12 بۆ 15 هەزار دینار بوو، ئەمساڵ 16 بۆ 17 هەزار دینارە، لە پارێزگای هەڵەبجە لە ساڵی 2021 نرخی كیلۆیەك گۆشتی سوور لە 13 بۆ 14 هەزار دینار بوو، ئەمساڵ 16 بۆ 18 هەزار دینارە”.
