گەشتیارانی عێراق لە 10 رۆژدا 100 ملیۆن دۆلاریان بردوەتە دەرەوە

SNN

مەنار عوبەیدی، سەرۆکی دامەزراوەی عێراق مستەقبەل بۆ کاروباری ئابوری رایگەیاند: لە سەرەتای ئەم مانگەوە زیاتر لە (500) گەشتی ئاسمانی بۆ گەشتوگوزار تۆماركراون و زیاتر لە (100) هەزار هاووڵاتی گەشتییان بۆ دەرەوەی وڵات کردوە.

مەنار عوبەیدی دەڵێت: بەنزیکەی هەر کەسێك زیاتر لە (10) هەزار دۆلارییان خەرج کردوەو هۆکاری گەشتی هاوڵاتیانیشی بۆ بەرزبوەنەوەی پلەکانی گەرما و بەسەربردنی كاتی خۆش گەڕاندوەتەوە.

عوبەیدی، بەباشی دەزانێت لایەنە پەیوەندیدارەکان چەند ناوچەیەكی گەشتوگوزاری ناوخۆیی رێک بخەن و بیگونجێنن بۆ گەشتیاران بۆ ئەوەی ئەو بڕە داهاتە بگەڕێتەوە بۆ وڵات.

شایەنی ئاماژە پێکردنە بەشێکی زۆری گەشتیارانی عێراقی سەردانی وڵاتی تورکیایان کردووە و دواتر ئێران و وڵاتانی دیکەی عەرەبی، بەشێكی کەمیشیان بۆ ئەوروپا رۆشتوون بۆ سەربردنی جەژنی قوربان