سەرۆکی سریلانکا بەرەو ماڵدیڤ هەڵات

SNN

دوای چەند رۆژ خۆشاردنەوە، گوتابایا راجاپاسکا سەرۆکی سریلانکا وڵاتەکەی جێهێشت و بەرەو ماڵدیڤ هەڵات.

ئەمەش لە کاتێکدایە کە رۆژی شەممە خۆپیشاندەرانی ئەو وڵاتە هەڵیانکووتایە سەر کۆشکی سەرۆکایەتی و دەستیان بەسەردا گرت.

بڕیاربوو ئەمڕۆ سەرۆکی سریلانکا بە فەرمی دەستلەکارکێشانەوە رابگەیەنێت.

ماوەیەکە لە دژی قەیرانی دارایی، کەمی کارەبا، گرانی سوتەمەنی و خۆراک و دەرمان خۆپیشاندان سریلانکای گرتووەتەوە.

خۆپیشاندەران دوای دەستبەسەرداگرتنی کۆشکی سەرۆکایەتی ماڵەکەی سەرۆکوەزیرانیشیان سوتاندبوو، هەڕەشەی ئەوەشیان کردبوو کە ئەگەر دەستلەکارنەکێشنەوە، دۆخەکە ئاڵۆزتر دەبێت.