لەبارەی مەرجی گەشتکردن بۆ ئێران روونکردنەوە دەدرێت

SNN

دەروازەی نێودەوڵەتی حاجی ئۆمەران رایگەیاند: هاووڵاتیان ئاگادار دەکەينەوە بەبێ بوونی ڤیزا کارتی ڤاکسین، یاخود پشکنینی کۆرۆنای  72کاتژمێری رێگە نادرێت گەشتبکەن بۆ ئێران.

دەروازەی نێودەوڵەتی حاجی ئۆمەران لە راگەيەندراوێکدا بڵاويکردەوە: هەر وەک پشتر رامانگەیاندبوو بە پیێ رێنماییە تەندروستیەکانی وەزارەتی تەندروستی کۆماری ئیسلامی ئێران تەنها بە پێدانی کارتی ڤاکسینی دژە کۆرۆنا(ڤیزە کارت) کە پشتڕاستی دەکاتەوە ئەو کەسەی سەردان دەکات دوو ژەم ڤاکسینی وەرگرتووە و لە کاتی نەبوونی ڤیزە کارت پشت بە ئەنجامی  پشکنینی (PCR )ی نەرێنی (نێگەتیف) لە ماوەی  72کاتژمێر دەبەسترێت.

دەشڵێت “بۆیە داوا لە گەشتیارانی خۆشەویست دەکەین بەبێ یەکێک لەو بەلگەنامانەی لە سەرەوە باسکراون سەردانی دەروازەی نێودەوڵەتی حاجی ئۆمەران نەکەن بۆ ئەوەی تووشی هیچ کێشە و گرفتێک و گەرانەوە لە لایەن ئێرانەوە نەبن”.