“ئهو كهسهى باوك و كچهكهى دهۆكى كوشت، پێشتر كهسێكى كوشتووه”
فاروق میرزا و ئاخینى كچى | فۆتۆ: Duhok Police
SNN
بهڕێوهبهرایهتى پۆلیسى دهۆك رایگهیاند، ههرچهنده تۆمهتبارى كوشتنى باوك و كچهكهى دهۆك دانى به تاوانهكهیدا ناوه، بهڵام تاوهكو ئێستا تهرمى كچهكه نهدۆزراوهتهوه.
ههشت رۆژ لهمهوبهر پیاوێك بهناوى فاروق میرزا لهگهڵ كچهكهى بهناوى ئاخین لهلایهن كهسێكهوه كوژران، تهرمى باوكهكه لهنێو باخێكدا له دهۆك دۆزرایهوه، بهڵام تاوهكو ئێستا تهرمى كچهكه نهدۆزراوهتهوه.
بهرهبهیانى ئهمڕۆ بهڕێوهبهرایهتى پۆلیسى دهۆك رایگهیاند، “له ئۆپراسیۆنێكى تایبهتهدا بكوژى فاروق میرزا و كچهكهى له گهڕهكى سهرههڵدان دهستگیر كرا، پاش دهستگیركردنیشى دانى به تاوانهكهیدا نا كه باوك و كچهكهى بهیهكهوه كوشتووه”.
ههر لهوبارهیهوه ئهمڕۆ ههینى 12ى ئاب، بهڕێوهبهرایهتى پۆلیسى دهۆك له كۆنگرهیهكى رۆژنامهوانیدا رایگهیاند، “بهرهبهیانى ئهمڕۆ تۆمهتبار لهنێو خواردنگهیهكدا دهستگیر كرا كه چهكیشى ههڵگرتبوو و پاش لێكۆڵینهوهى سهرهتایی دانى به تاوانهكهیدا نا”.
لهبارهى ئهوهى ئایا تاوهكو ئێستا تهرمى ئاخین دۆزراوهتهوه؟ بهڕێوهبهرایهتى پۆلیسى دهۆك ئهوهى روونكردهوه، “تاوهكو ئێستا پۆلیس نهیتوانیووه تهرمى قوربانى دووهم كه كچهكهیه بدۆزێتهوه و گهڕان بهدوایدا بهردهوامه”.
له وهڵامى ئهو پرسیارهى ئایا راسته تۆمهتبار پێشتر تۆمهتباركراوه به كوشتنى كهسێك و رفاندنى دو منداڵ لهنێو كهمپێكى پهنابهران له دهۆك بهڕێوهبهرایهتى پۆلیسى دهۆك ئاماژهى بهوهكرد، “بهڵێ، بهڵام ئهم دوو بابهته جیاوازن و لێكۆڵینهوه لهبارهیانهوه بهردهوامه”.
بهپێى زانیارییهكانى پۆلیسى دهۆك، “تۆمهتبار خهڵكى زاخۆیه، بهڵام نیشتهجێى دهۆكه”
