نرخی نەوت بەرزبووەوە و زێڕ دابەزی
SNN
ئەمڕۆ لەگەڵ کردنەوەی بازاڕە جیهانییەکاندا نرخی نەوت رووی لەبەرزبوونەوە کرد و نرخی زێڕیش دابەزی.
ئەمڕۆ هەینی نرخی یەک بەرمیل نەوتی برێنت بە 94 دۆلار و 20 سەنتە و یەک بەرمیل نەوتی خاوی رۆژئاوای تێکساسیش بە 88 دۆلار و 42 سەنتە.
ئەمەش لە کاتێکدا دوێنێ نرخی یەک بەرمیل نەوتی برێنت بۆ نزیکەی 90 دۆلار دابەزیبوو.
لە لایەکی ترەوە ئەمڕۆ نرخی هەر ئۆنسەیەک زێڕ بۆ 1695 دۆلار دابەزی و دواتر کەمێک بەرزبووەوە و گەیشتە 1699 دۆلار، ئەمەش لە کاتێکدایە دوێنێ لە سەرووی 1700 دۆلارەوە مامەڵەی پێوەدەکرا.
