هاوبەشانی كارەبا بڕی زیاد لە تریلۆینێك دینار قەرزداری كارەبان

SNN-عەلی حەمە سەعید

وتەبێژی وەزارەتی كارەبای حكومەتی هەرێم ئاماژە بەوەدەكات لە ئێستادا بڕی قەرزەكانی كارەبا لای هاوبەشەكانان بەهاووڵاتیان و بازرگانی و كشتوكاڵی و پیشەسازییەوە گەیشتووەتە زیاد لە تریلۆنێك دینار، بەڵام تا ئێستا هیچ بڕیارێك نییە بۆ ئەوەی ئەگەر هاوبەشانی كارەبا بەتایبەت هاووڵاتیان ئەگەر قەرزەكانیان نەدەنەوە كارەباكەیان دەبڕدرێت، هاوكات ئەو هاوبەشانەشی زۆر بڕێكی زۆر پارە قەرزداران دەتوانن بەشێوەی قیست قەرزەكانیان بدەنەوە.

ئومێد ئەحمەد، وتەبێژی وەزارەتی كارەبای حكومەتی هەرێم بە SNNی ڕاگەیاند: لە ئێستادا ژمارەی هاوبەشانی كارەبا لە هەرێمی كورستان گەیشتووەتە ملیۆنێك و 770 هەزار هاوبەش، هاوكات بڕی پارەی قەرزی وەزارەتی كارەبا لای هاوبەشانمان لە هاووڵاتیان و بازرگانان و كشتوكاڵی و پیشەسازی، زیاد لە تریلۆنێك دیناری تێپەڕاندووە.

ئاماژەی بەوەشكرد، تا ئێستا لەلایەن وەزارەتی كارەباوە هیچ بڕیارێك نەدراوە بۆ ئەوەی ئەگەر هاوبەشانی كارەبا قەرزەكانیان نەدەنەوە كارەباكەیان دەبڕدرێت بەتایبەت هاوبەشانی هاووڵاتیان، بەڵام هاوبەشانی پیشەسازی و كشتوكاڵی و بازرگانی دەبێت قەرزەكانیان بدەنەوە و هاووڵاتیانیش دەتوانن بە چەند قیستێك قەرزەكانیان بدەنەوە.

وتەكانی وتەبێژی وەزارەتی كارەبا لە كاتێكدا كە ماوەیەكە لەناو هاووڵاتیان و تۆڕەكۆمەلایەتییەكاندا باس لەوەدەكرێت وەزارەتی كارەبا بڕیاریداوە ئەگەر هاوبەشانی كارەبا قەرزەكانیان نەدەنەوە كارەباكەیان دەبڕدرێت.