زانیاری لە سەر ئەو تەنەنامۆیەی ئەمشەو له ئاسمانی زۆربەی شارەکانی هەرێم بیندرا
عەلی حەمەسەعید-SNN
ئەمشەو لە ئاسمانی ناوچەکانی ھەرێمی کوردستان تەنێکی ڕووناک بینرا ئەوەش بووە جێگەی سەرنجی هاووڵاتیان، شارەزایەکی بواری کەشناسیش زانیاری لەسەر ئەو تەنە ئاشکرا دەکات.
پشتیوان ئیبراهیم، شارەزا لەکەشناسی وبوومەلەرزە زانی بە SNNی ڕاگەیاند :ئەو تەنە نامۆیانەی کە ئەمشەو لە ئاسمانی ناوچەکە و هەرێمی کوردستان بینرا بریتییە لە زنجیرەیەک مانگی دەستکردی ئەنتەرنێتی کە بە ستاڕلینک ناسراوە.
ئاماژەی بەوەشکرد، ئەو زنجیرە مانگە دستکردە لەلایەن ھاوبەشی سپەیس ئێکس (SpaceX)دروست دەکرێت بۆ خزمەتگوزاری ھێڵی ئەنتەرنێت بۆ نەوەی پێنجەم سودی لێوەردەگیرێت.
ئەو شارەزایەی بواری کەشناسی ئەوەشی خستەڕوو، ئەو زنجیرە مانگە دەستکردە،بۆ مەبەستی دابینکردنی ئەنتەرنێت بۆ سەرتاسەری جیھان رەوانەی بۆشایی ئاسمان کراوە.
