نرخی نەوت لە بەرزبوونەوەدایە

SNN

نرخی نەوت لە بازاڕە جیهانییەکان بەراورد بە نرخی دوێنێ رووی لەبەرزبوونەوە کردووە.

ئەمڕۆ هەینی نرخی یەک بەرمیل نەوتی برێنت لە کاتی کردنەوەی بازاڕەکاندا بە 87 دۆلار و 18 سەنت بوو، بەڵام لە ئێستادا رووی لە هەڵکشان کردووە و بە 87 دۆلار و 48 سەنتە.

هاوکات یەک بەرمیل نەوتی خاوی ئەمریکیش کە لە کاتی کردنەوەی بازاڕدا بە 81 دۆلار و 23 سەنت بوو لە ئێستادا بە 81 دۆلار و 50 سەنت مامەڵەی پێوەدەکرێت.

لە مانگی شوباتی ئەمساڵەوە و بە هۆی دەستپێکردنی هێرشەکانی رووسیا بۆ سەر ئوکرانیا نرخی نەوت بەشێوەیەکی پێوانەیی رووی لە بەرزبوونەوە کرد و لە سەروو 100 دۆلارەوە مامەڵەی پێوەکرا، بەڵام ماوەیەکە لە خوار 90 دۆلارەوە جێگیر بووە.