بافڵ جەلال تاڵەبانی: دڵتەنگ و نیگەرانم بە گیان لەدەستدانی پێنج پێشمەرگەی قارەمان
بافڵ تاڵهبانى، سهرۆكى یهكێتیی نیشتمانیى كوردستان | فۆتۆ: SNN
SNN
بافڵ جەلال تاڵەبانی سەرۆکی یەکێتیی نیشتمانیی کوردستان لە پەیامێکدا رایگەیاندووە: “دڵتەنگ و نیگەرانم بە گیان لەدەستدانی پێنج پێشمەرگەی قارەمان (تاهیر كاكەوڵا خەلیفە، سەروەر ئەنوەر مەحموود، ئەردەڵان جەمال مەجید، توانا نەسرەدین و جەمال جەلال) کە ئەمڕۆ لەکاتی گەڕانەوە لە ئەرکەکەیان، لەرووداوێکی هاتوچۆدا گیانیان سپارد”.
راشیگەیاندووە: “بۆ ئەم لەدەستدانە گەورەیە پرسە و هاوخەمی قووڵی خۆم ئاڕاستەی بنەماڵە، هاوسەنگەر، هاوڕێیان و دانیشتووانی سەیدسادق دەکەم و خۆم بە هاوبەشی خەمیان دەزانم.”
سەرۆکی یەکێتی لە کۆتایی پەیامەکەیدا رایگەیاندووە: “لەخوای گەورە داواکارم رۆحی ئەو پێشمەرگە قارەمانانە شاد بکات و سەبووری و ئارامی بەهەموولایەک ببەخشێت”.
