لەسەر دوو مووچەیی ئاوات شێخ جەناب روونکردنەوە دەدرێت

SNN
وەزارەتی کاروباری شەهيدان لە روونکردنەوەيەکدا رەتی دەکاتەوە ئاوات شێخ جەناب وەزيری دارايی دوو مووچەی هەبێت و رايگەياندووە: ئاوات شێخ جەناب هیچ مووچەیەکى زیندانى سیاسى وەرناگرێت.
دەقی رونکردنەوەکە:
ڕوونکردنەوەیەک لە وەزارەتى کاروبارى شەهیدان و ئەنفالکراوانەوە
لە پاش دەرچوونى یاسای چاکسازی ژمارە (٢) ى ساڵى (2020) پێویستە ناوی سەرجەم زیندانیانى سیاسی ووردبینی و پێداچوونەوەى بۆ بکرێت و بە فلتەرى لیژنەکانى چاکسازیدا تێپەڕببن و پشتڕاست بکرێنەوە.
هەر بەپێی یاساى چاکسازى هەر زیندانێکى سیاسی لەپاش ١٠ ساڵ بۆى هەیە یەک مووچە یان (مینحە) وەربگرن، واتا ئەگەر مووچەیەکی تری هەبێ ناتوانێت ئەو مینحەیەى زیندانى سیاسی وەربگرێت، لە پاش وەرگرتنى ڕەزامەندى ئەنجومەنى وەزیران و پشتڕاستکردنەوەیان تەنها بۆ ئەوانە خەرج دەکرێت کە هیچ مووچە و منحەى تریان نییە.
شیاوى باسە بەڕێز(ئاوات شێخ جەناب ) یەکێک بووە لەو پێشمەرگە قارەمان و تێکۆشەرانەى کە ماوەیەکى تەمەنى لە زیندانەکانى بەعسدا بەسەر بردووە، ئەو هەواڵە چەواشەکارانەیەش کە بڵاوکراوەتەوە دوورە لە ڕاسیتیەوە و بەڕیزیان هیچ مووچەیەکى زیندانى سیاسى وەرناگرێت.
ئةوليستی ٥۷٨ ناوەش کە وەزارەتمان بڵاویکردۆتەوە تەنها بۆ پشت ڕاستکردنەوەو ڕاست و درووستی زیندانی بوونیانە.