هاوار نیوز:بەهۆی هێرشەکانی تورکیاوە پەیامنێرێکمان شەهید بوو

SNN-

ئاژانسی هاوار نیوز بڵاویکردووەتەوە، لە بۆردوومانەکانی بەرەبەیانی ئەمڕۆی تورکیا لە ناوچەی دێرک-ی ڕۆژئاوای کوردستان، عیسام عەبدوڵڵا پەیامنێری ئاژانسەکەیان لەکاتی ڕووماڵی هێرشەکاندا بەهۆی بۆردوومانەوە شەهیدبووە.

ئاژانسەکە ڕوونیشیکردووەتەوە، کە پەیامنێرەکەیان چووەتە شوێنی بۆردوومانەکان و ڕووماڵی ئەو هێرشانەی کردووە، بەڵام لەوکاتەدا دووبارە بۆردوومان کراوەتەوە و بەهۆیەوە عیسام شەهیدبووە.

باسی لەوەشکردووە، کە عیسام بەهۆی هێرشەکەوە سەرەتا برینداربووە، بەڵام بەهۆی ئەوەی بۆردوومانی چڕ هەبووە و بەدەمییەوە نەچوون، شەهیدبووە.